Акафист преподобному Агапиту Печерскому

 

Акафист преподобному Агапиту Печерскому

акафист, житие, икона из Копачева, фото празднования прп. Агапита в Лавре



Акафист преподобному Агапиту,

врачу Печерскому

Празднование 1/14 июня

 

Кондак 1

Избранный учениче великаго учителя преподобнаго и богоноснаго отца нашего Антония, и дивный подражателю жития его святаго, святче отче Агапите, песньми восхвалим тя с любовию, заступника нашего; ты же, яко имеяй дерзновение ко Господу, молися выну о спасении нас, грешных,  от всяких бед избавляя зовущих ти:

Радуйся, Агапите, душевных и телесных недугов скорый целителю.

Икос 1

Ангелов любезную чистоту от юности твоея возлюбив, блаженне Агапите, к добродетелей подвижнику, преподобному Антонию, притекл еси и, от него во иночество облеченный, подражатель ревностный подвигов его был еси; темже славим тя воззвании сими:

Радуйся, богоноснаго Антония добродетелей и даров наследниче. Радуйся, на высоту совершенства духовнаго возшедый. Радуйся, молитвенниче усердный. Радуйся, дар врачевания и чудотворения от Господа получивый. Радуйся, из глубины души часто ко Господу воздыхавый. Радуйся, воздыханьми чистоту душевную стяжавый.

Радуйся, Агапите, душевных и телесных недугов скорый целителю.

Кондак 2

Видев всевидец Господь благое души твоея изволение, блаженне Агапите, еже поработати Ему безленостно, внуши преподобному Антонию благословити тя на жестокое и острое в пещернем затворе житие. Ты же благословение святое с верою прием, в пещере покой вечный обрел еси, единому Богу работая, в пениих, бдениих и пощениих немолчно воспевая Ему: Аллилуия.

Икос 2

Разумев преподобный Антоний Божие о тебе смотрение и твое душеспасительное намерение, изобильно насыти тя духовною сладостию и в добродетелях укрепити, сего ради вопием тебе таковая:

Радуйся, преподобнаго Антония нравы подражавый. Радуйся, того житию усердно поревновавый. Радуйся, сыновью любовь к нему стяжавый. Радуйся, и от него зело возлюбленный. Радуйся, самовидче его подвигов. Радуйся, во врачевании недугов ему споспешествовавый.

Радуйся, Агапите, душевных и телесных недугов скорый целителю.

Кондак 3

Силою Божиею укрепляем, святе Агапите, великия иноческия труды подъял еси во славу имене Его святаго, спасая и врачуя всех, с верою и надеждою к тебе притекающих и неленостно возносящих песнь Пресвятей Троице: Аллилуия.

Икос 3

Имея помысел чист и непорочну совесть и памятуя рекшаго: «Болен бех и посетисте Мене; понеже сотвористе единому от сих братий Моих меньших – Мне сотвористе», – недугующих иноков посещал еси и, якоже родители чада своя, утешал еси, отраду своим попечением подая, молитвою же со одра болезни воздвизая. Сего ради приими от нас богохваления таковая:

Радуйся, в добродетелех благоискусный подвижниче. Радуйся, во Христе всю братию монашескую возлюбивый. Радуйся, недужных иноков утешителю. Радуйся, смиренный их служителю. Радуйся, во временней жизни трудниче неусыпный. Радуйся, покой вечный обретший.

Радуйся, Агапите, душевных и телесных недугов скорый целителю.

Кондак 4

Бурю многомятежнаго житейскаго моря безбедно прешел еси, блаженне, и в пристань безстрастия достигл еси, окормляем заповедями Христа Бога, яже быша светильник ногама твоима и свет стезям твоим. Темже ныне в горних обителех водворяешися, сладце поя Триединому Богу: Аллилуия.

Икос 4

Слышавше мысли о благоугоднем житии твоем, блаженне Aгапите, прихождаху к тебе: ови послушати поучений твоих, ови исцеление от различных недугов прияти, ихже ты, любовию приемля, руководствовал еси ко спасению, отгоняя всяк недуг и всяку немощь. Сего ради мы прибегаем к тебе, великому помощнику и целителю, славяще тя сице:

Радуйся, безмолвия любителю, обитель подвиги своими украсивый. Радуйся, воине Христов, полки невидимых врагов победивый. Радуйся, болезнующих грехами врачу благоискусный. Радуйся, спасения многих душ человеческих виновниче. Радуйся, ближняя твоя искренне возлюбивый. Радуйся, спасению их душевному и исцелению телесному усердно послуживый.

Радуйся, Агапите, душевных и телесных недугов скорый целителю.

Кондак 5

Боготечное светило быв, угодник Божий, всех к Солнцу правды, Христу, путеводил еси образом жития твоего святаго, иже все бысть служение Богу и ближним твоим. Нищия и убогия милостиво питал еси, темже блаженство милостивых унаследовал еси и со святыми поеши вечно хвалебную песнь: Аллилуия.

Икос 5

Видим тя, блаженне отче Агапите, достигша в меру мужа совершенна о Христе и преисполненна дарований Божественных в Евангелии Христове обетованных верным учеником Бога Слова. Темже, чудящеся твоим подвигом, поем ти хвалебно:

Радуйся, во глубине сердца бисер драгий, Господа Иисуса Христа, обретый. Радуйся, имя Его Божественное во устех и в сердце своем выну имевый. Радуйся, на земле алкавый и жаждавый. Радуйся, нетленныя ныне пищи на небеси насыщаяйся. Радуйся, нищету хранивый и нищия препитавый. Радуйся, иго Христово благое и легкое с любовию носивый.

Радуйся, Агапите, душевных и телесных недугов скорый целителю.

Кондак 6

Проповедник Евангелия быв житием твоим, отче блаженне, плоть твою постом и молитвою поработил еси духу, и во славу Божию пожил еси; даром благодати, данным ти, армянина злочестиваго, завистию и гневом палимаго, не токмо посрамил еси, но и к свету истины Христовой привел еси, поучая за все благодарити и славословити Господа, поя Ему: Аллилуия.

Икос 6

Возсияв в пещере святыя обители Киево-Печерския, яко богоносное светило, блаженный Агапите, светом добродетелей твоих и врачеваний, умилил еси души и сердца человеков, зловернаго же врача и завистника безумие обличил еси. Тем убо, яко святому и блаженному угоднику Божию, умильно зовем ти:

Радуйся, искусство нечестиваго армянина посрамивый. Радуйся, недугующаго, близ смерти бывшаго, от одра болезни воздвигнувый. Радуйся, осужденнаго на смерть и напоеннаго смертным ядом, чудесно исцеливый. Радуйся, от смерти того избавивый. Радуйся, яко и сам ядом смертным, в питии твоем тайно растворенным, невридим по словеси Господню пребывый. Радуйся, злобу и коварство врагов своих уничиживый.

Радуйся, Агапите, душевных и телесных недугов скорый целителю.

Кондак7

Хотение единое имел еси, блаженне отче, еже Богу угождати и спасению душевному и здравию телесному ближних твоих благочестно служити, темже келлия твоя пещерная врачебница бысть всякому человеку, нищему и богатому, князю и убогому, ты бо, всем вся быти желавый, врачевал еси, не взирая на лица, всех наставляя вкупе сердцем и усты немолчно возглашати Богу: Аллилуия.

Икос 7

Новаго чудотворца великаго познав тя, славный князь Владимир Мономах, на одре болезни возлежа и при кончине сый, слезно молил еси, блаженне, приити и исцелити его, но ты, монашеский обет соблюдая, во еже николиже стен обители оставляти, посла еси ему зелие от трапезы своея, от негоже  вкусив, князь воста здрав. Таковой  силе твоего чудотворения и нелицеприятию твоему дивящеся, вопием ти хвалебно:

Радуйся, крине пещернаго прозябения. Радуйся, мира Христова благоухание. Радуйся, не скрывый талант врачевания, тебе Домовладыкою врученный. Радуйся, ради сильных мира сего обета иноческаго не нарушивый. Радуйся, славы ради высшего звания славу человеческую ни во чтоже вменивый. Радуйся, великаго князя Владимира Мономаха с одра смертнаго былием, тобою благословенным, и молитвою подъял еси.

Радуйся, Агапите, душевных и телесных недугов скорый целителю.

Кондак 8

Странника и пришельца в мире сем помышлял еси себе быти, Агапите блаженне, темже о богатстве земнем отнюд нерадил еси. Всякое попечение о стяжании суетном имети возбраняя, приходящих к тебе разделяти достояние свое с нищей братией и в их лице Самому Христу служити поучал еси, немолчно воспевая хвалебную песнь: Аллилуия.

Икос 8

Весь в Бозе быв, отче блаженне, угождати Ему присно всех поучал еси, умоляя ничтоже предпочитати паче любве Христовы. Памятуя же реченное Христом: «Не собирайте себе сокровища, идеже моль и ржа истребляют, но собирайте себе сокровища на небеси», – не пожелал еси ради благ временных лишитися благ вечных, отвергая дары, тебе князем приносимыя и советуя раздати я нищей братии и убогим. Таковое твое нестяжание восхваляя, зовем ти сице:

Радуйся, нищету паче богатства возлюбивый. Радуйся, мзду за свое врачевание отвергавый и раздати ю нищим и убогим повелевавый. радуйся, и последния укрухи хлеба твоего с неимущими деливый. Радуйся, блаженство нищих унаследовавый. Радуйся, любовь к Богу любовию к ближним своим свидетельствовавый. Радуйся, похвалами молитвенными до днесь в обители Киево-Печерской зело почитаемый.

Радуйся, Агапите, душевных и телесных недугов скорый целителю.

Кондак 9

Всем приходившим в обитель молитв и врачевания ради, блаженне отче, дивно бысть видети тебе, нищетно в келлии твоей пребывающаго, ты же всех равною любовию принимал еси и коемуждо слово душеспасительное или исцеление подавал еси, научая всех пети виновнику всех благих Богу: Аллилуия.

Икос 9

Витии многовещаннии не возмогут достойно воспети подвиги твоя, блаженне Агапите, мы же дивящеся сим, дерзаем венчати тебе, аще и недостойнии, похвалами таковыми:

Радуйся, на скрижалех сердца твоею закон Христов написавый. Радуйся, от глубины сердечныя, добрая и душевноспасительная наставления человеком износивый. Радуйся, пещерный гражданине. Радуйся, грады и веси наполнивый славою твоих чудотворений. Радуйся, Богом возлюбленный и ближними твоими благословляемый. Радуйся, образ совершенства о Христе в себе явивый.

Радуйся, Aгапите, душевных и телесных недугов скорый целителю.

Кондак 10

Спасения надежу стяжал еси при исходе твоем, блаженне отче Агапите, и, яко пшеница зрелая во время жатвы, кончиною благою преселился еси в день, тебе Господом предуказанный, во обители горния, прияти мзду от руки праведнаго Мздовоздаятеля Христа, Иже вчини душу твою со духи святых, немолчно возглашающих пред престолом славы Его победную песнь: Аллилуия.

Икос 10

Царя небеснаго Христа благий раб и верный был еси, отче Агапите, темже по неложному Его глаголу: «Идеже есмь Аз, ту и слуга Мой будет», – мы чтуще тя, не сумнимся сердцем, яко ты со Христом во обителех блаженства вечнаго водворяешися и радости нетленныя наслаждаешися, яко истинный Того угодник; от нас же слышиши благохваления сия:

Радуйся, предсказания нечестиваго армянина о твоей смерти посрамивый. Радуйся, о дне твоей блаженныя твоея кончины от Господа возвещенный. Радуйся, душу твою в руце Господа радостно предавый. Радуйся, откровенным лицем славу Трисиянного Божества узревый. Радуйся, телом смертным в пещере погребенный. Радуйся, душею безсмертною к Сиону горнему воспаривый.

Радуйся, Агапите, душевных и телесных недугов скорый целителю.

Кондак 11

Пение Богу и Пресвятей Богородице приносиши, блаженне отче наш Агапите, и об обители нашей святей и подвивающихся в ней, и о всех, с любовию к тебе притекающих, присно ходатайствуеши, прося мира свыше и благопоспешения всем, возносящим достодолжная похвалы Триединому Богу, воспевая Ему: Аллилуия.

Икос 11

Светильника тя добрых дел, блаженне отче, исповедуем быти и прославляем прославльшаго тя Господа, Иже чудесы многими мощи твоя знаменова: струй бо исцелений благодатных источаются от них недужным и подвизают верныя вопити тебе:

Радуйся, земный Ангеле и небесный человечe. Радуйся, безмезднаго врачевания источниче. Радуйся, мира многоцелебнаго преисполненный фиале. Радуйся, от раки твоея святыя исцеления обильно пoдаваяй. Радуйся, скорбящих утешителю. Радуйся, унывающих ободрителю.

Радуйся, Агапите, душевных и телесных недугов скорый целителю.

Кондак 12

Благодать Господню испроси нам, отче Агапите, почитающим с любовию святую память твою и усердно притекающим к честней раце мощей твоих, от неяже чудесныя исцеления подаеши недужным. Темже тебе, чудотворения даром от Бога прославленному, прилежно молимся: исцели наша недуги душевныя и телесныя и помози нам предстательством твоим спасение вечное получити, да вкупе тобою воспоем дивному во святых Своих Богу: Аллилуия.

Икос 12

Поюще подвиги твоя, блаженне отче, ублажаем равноангельское житие твое, дивимся чудотворением твоим, молитвенно почитаем святую память твою, и припадающе к раце мощей твоих, умильно взываем:

Радуйся, Пресвятыя Богородицы достойный служителю. Радуйся, пещерожителей славо и похвало. Радуйся, святыя обители твоея, вкупе с Антонием и Феодосием, присное охранение. Радуйся, подвизающихся в ней благонадежное заступление. Радуйся, приходящих в ню на поклонение благий предстателю. Радуйся, почитающих память твою небесный покровителю.

Радуйся, Агапите, душевных и телесных недугов скорый целителю.

Кондак 13

О преблаженне отче Агапите! Ты горе на небеси, мы же долу на земли, удаленнии от тебе не толико местом, колико греховною нечистотою нашею, обаче дерзаем приносити тебе сие малое похвальное пение, еже милостивно прием, моли Господа и Владыку нашего избавити нас погибели вечныя и сподобити блаженства святых, вопиющих Ему хвалебную песнь: Аллилуия.

 

(Этот кондак читается трижды, затем икос 1 и кондак 1)

 

Молитва

      О всеблаженне Агапите, земный Ангеле и небесный человече! Припадаем к тебе с верою и любовию и молим ти ся прилежно: яви нам, смиренным и грешным, святое свое заступление; се бо грех ради наших не имамы свободны чад Божиих просити о потребах наших Господа и Владыку нашего, но тебе, молитвенника благоприятнаго, к Нему предлагаем и просим тя со усердием многим: испроси нам от благости Его благопотребныя дары душам и телесем нашим, веру праву, любовь ко всем нелицемерну, в злостраданиих терпение, тяжкими болезнями одержимым – от недугов исцеление, под бременем скорбей и напастей неудобоносимых падающих и жития своего отчаявшихся – скорое облегчение и избавление.

      Не забуди, блаженне отче, и обитель твою [сию святую], присно тя чтущую, но соблюди ю и всех живущих и подвизающихся в ней и на поклонение в ню приходящих невредимы от искушений диавольских и всякаго зла. Егда же приспеет наше от временнаго сего жития отшествие, и к вечности преселение, не лиши нас помощи твоея небесныя, но молитвами твоими всех нас приведи в пристанище спасения и наследники нас быти всесветлаго Царствия Христова сподоби, да поем и славим неизреченныя щедроты человеколюбца Бога, Отца и Сына и Святаго Духа, и твое вкупе с преподобными Антонием и Феодосием отеческое зaступление во веки веков. Аминь.

 

ПРЕПОДОБНЫЙ АГАПИТ ПЕЧЕРСКИЙ,

ВРАЧ ("ЛЕЧÉЦ") БЕЗМЕЗДНЫЙ,

родом из Киева, постриженик и ученик преподобного Антония Печерского, жил в XI веке. Если кто из монастырской братии заболевал, преподобный Агапит приходил к нему и самоотверженно ухаживал за больным, кормил вареной травой, которую готовил сам, и больной выздоравливал по молитве преподобного. К монастырскому врачу, обладавшему даром исцеления, обращались за помощью и многие миряне. ПРЕПОДОБНЫЙ Агапит Печерский исцелял всех приходящих к нему, независимо от звания и должности, рода и знатности. Он спрашивал: «Веруешь ли ты, что Господь совершит через меня чудо исцеления?» – по слову Господа: «Если сколько-нибудь можешь веровать, всё возможно верующему» (Мк. 9:23). Потому благодатные дары и силы даются только в Церкви и только верующим людям. Не всякий, говорящий «Господи, Господи», может совершить то или иное чудо. КОГДА преподобный отец наш Антоний Печерский был прославлен даром исцеления, пришел к нему в пещеру из Киева блаженный Агапит (не позднее начала 1070-х годов), желая получить душевное исцеление через пострижение в иноческий чин; удостоившись желаемого, он всем сердцем последовал ангелоподобному житию преподобного Антония, руководясь и его наставлениями. Агапит был очевидцем того, как этот великий муж сам служил болящим и исцелял их своею молитвою, причем скрывая дарование, данное молитве его, вручал недужным под видом лекарства травы от пищи своей. Видя это, блаженный Агапит начал соревновать святому старцу в подвигах и трудился так много лет; когда расхварывался кто-либо из братии, блаженный оставлял келлию свою, в которой не было ничего, что можно было бы похитить, приходил к болящему брату и служил ему: поднимал его, укладывал, выносил на своих руках, и непрестанно молил Бога об исцелении недужного; если же болезнь иногда и затягивалась, то чрез это Господь желал умножить веру и усилить молитву раба Своего Агапита. Подражая подвигам преподобного Антония, блаженный Агапит сподобился быть участником и равной с ним благодати: молитвою своею он исцелял всех болящих, также подавая им травы, которые варил в пищу себе, за что, собственно, и был прозван врачем. О нем распространилась молва в Киеве, и много болящих приходило к нему, отходя здоровыми. КОГДА заболел в Чернигове князь Владимир Всеволодович Мономах (княжил в Киеве 1114-1125 гг. ), блаженный дал посланному трав от пищи своей; их принесли к князю, последний вкусил и немедленно выздоровел, по молитвам блаженного. Владимир послал одного из своих бояр со многими дарами к блаженному Агапиту. Посланный нашел святого Агапита в келлии и положил пред ним подарки князя. Блаженный сказал ему: «ЧАДО, никогда, ни от кого и ничего не брал я (за исцеление), потому что исцелял силою не своею, но Христовою; не требую этого и ныне». В то же время в Киеве был опытный врач-армянин, который по одному виду больного мог определить степень болезни и даже точно определить день его кончины. Когда один из таких обреченных обратился к святому Агапиту, благодатный целитель с молитвой дал ему отведать пищи с монастырской трапезы, и больной выздоровел. Разжигаемый завистью врач хотел отравить Агапита, но Господь сохранил преподобного, и яд не подействовал. ПОСЛЕ многих богоугодных трудов и подвигов, впал в болезнь и сам безмездный врач, блаженный старец Агапит. Узнав об этом, вышеупомянутой врач армянин пришел посетить его и, осмотрев, сказал: «ГОВОРЮ истину: на третий день он умрёт; если изменится слово мое, то я изменю жизнь мою, и сам стану таким же монахом». ПОСЛЕ того блаженный Агапит прожил, как предрек ранее, три месяца и, немного поболев, отошел ко Господу (1 июня, не позднее 1095). Будучи на земле врачем безмездным (не приемлющим мзды – платы за труд), он принял великую награду уже на небе, где нет болезни. Братия приготовили к погребению честное тело его и с обыч-ным пением положили в пещере преподобного Антония. По кончине святого, пришел армянин в Печерский монастырь и сказал игумену: «ОТНЫНЕ я оставляю армянскую ересь и истинно верую в Господа Иисуса Христа, для Которого желаю трудиться в святом иноческом чине». ИГУМЕН, выслушав армянина, постриг его в иноческий образ и долго наставлял врача телес, чтобы он, последуя блаженному Агапиту, был искусен во врачевании своей души. Так Преподобный излечил душевный недуг и направил на путь спасения. АРМЯНИН подвизался богоугодно и, проведя остальную жизнь в том же Печерском монастыре, здесь же принял блаженную кончину, предав душу свою в руки врача душ и телес, Господа нашего Иисуса Христа. МИТРОПОЛИТ Павел, наместник Свято-Успенской Киево-Печерской Лавры, обращаясь к пастве со словом проповеди, сказал: "Сегодня Святая Церковь чтит одного из величайших подвижников – преподобного Агапита, игумена Печерского, врача безмездного. Преподобный Агапит пришел в пещеру к преподобному Антонию и, напитавшись от этого живоносного источника живой водой церковного учения и примером его подвижнического жития, просвещал, освящал и исцелял всякого человека, приходящего к нему за помощью. И доныне преподобный Агапит, почивая нетленными мощами в Святой Лавре под покровом Божией Матери, совершает силой Божией дивные и славные чудеса.  < … >  и я СВИДЕТЕЛЬСТВУЮ вам, что совершаются сотни и тысячи чудес исцеления. К пустому колодцу никто не ходит по воду, а к преподобному Агапиту приходят и православные, и инославные, и даже неверующие люди. Он не гнушается их, но ради того, чтобы через него прославилось Имя Отца и Сына и Святаго Духа – Живоначальной Троицы, чтобы возвратить каждого заблудшего из нас в дом Отчий, он просит у Престола Живоначальной Троицы, чтобы совершилось ради спасения человека это величайшее чудо исцеления. И человек исцеляется, если верит, что преподобный есть ходатай за нас перед Престолом Божиим". 
             По материалам сайта Киево-Печерской Лавры    www.lavra.ua

 

Икона с частицей мощей преподобного АГАПИТА Печерского

пребывает в храме Димитрия Солунского Мироточца

с. Копачев Обуховского района Киевской области 08715 UKRAINA

tel. +38-097-705-8706    E-mail: prot.valerij@ua.fm

tel. +7-919-873-0715  www.neupivaemaja.io.ua

 

 



Создан 13 июн 2012



  Комментарии       
Всего 7, последний 6 мес назад
Алексей 26 фев 2013 ответить
Преподобный Агапит Печерский, врач безмездный, моли Бога о нас!
lora408 23 ноя 2013 ответить
Преподобный Агапит Печерский, благодарю тебя за чудесное мое исцеление.
jurova1 17 фев 2014 ответить
jurova1@mail.ru
Ігор 27 авг 2015 ответить
Подяка Богославному і Боголюбивому лікарю і цілителю іменем Господа нашого, славному цілителю Агапіту печерському за те що почув молитви мої за оздоровлення і укріплення
Вера 26 сен 2015 ответить
Преподобный Агапит Печерский! дай здоровья мне и моим внукам Артемию и Кириллу.
fc3k111 02 июн 2017 ответить
Сергей
fc3k111 02 июн 2017 ответить
Сергей помоги пожалусто голова болит
Имя или Email


При указании email на него будут отправляться ответы
Как имя будет использована первая часть email до @
Сам email нигде не отображается!
Зарегистрируйтесь, чтобы писать под своим ником
Выставка Свет Веры Православной-Тольятти-март 2012_WM9_1Mbps_PAL_ConstrainedVBR.wmv
ИУЛИАНИЯ МИЛОСТИВАЯ НЕУПИВАЕМАЯ ЧАША КРЕСТЫ ПАСХА 2011
Милосердие.ru
flash" height="480" width="640"> СЕВАСТОПОЛЬ: Крест памяти свщмч. Климента монастырь ГЕОРГИЯ ХОЗЕВИТА